|
Ipinatalastas kahapon ng Federal Reserve ng E.U., Bangko Sentral ng Europa, Bangko Sentral ng Britanya, Bangko Sentral ng Hapon at Bangko Sentral ng Switzerland ang isang kasunduan sa currency swap na nagkakahalaga ng halos 300 bilyong Dolyares para mapabuti ang kalagayan ng pautang sa pamilihang pinansyal.
Sa ipinalabas na magkasanib na pahayag, sinabi ng naturang limang bangko sentral na batay sa kasunduang ito, kung may pangangailangan, ipagkakaloob ng Europa, Britanya, Hapon at Switzerland sa E.U. ang mga pondo sa kani-kanilang salapi. Binigyang-diin din nilang patuloy na magsasagawa ng kinakailangang hakbangin ang mga bangko sentral ng mga bansang kanluranin para mapasulong ang katatagan ng pamilihang pinansyal ng buong daigdig.
Salin: Liu Kai
|
