Hinimok nitong Martes, Nobyembre 24, 2020 ni Pangulong Xi Jinping ng Tsina ang mga manggagawang Tsino na isakatuparan ang bago’t historikal na ambag para sa komprehensibong pagtatatag ng isang modernong sosyalistang bansa.
Winika ito ni Xi sa isang pagtitipun-tipon para gantimpalaan ang mga modelong manggagawa at namumukod na indubiduwal.
Sa nasabing pagtitipun-tipon, 1,689 na manggagawa ang binigyan ng parangal bilang national role model workers, at 804 naman ang binigyan ng parangal na exemplary individuals.
Saad ni Xi, ang mga model workers ay mga piling indibiduwal ng nasyong Tsino, huwaran ng mga mamamayan at bayani ng republika.
Diin niya, dapat ilagay sa mas namumukod na posisyon ang pagpapatatag ng hanap-buhay, walang humpay na pataasin ang lebel ng kita ng mga manggagawa, at pasulungin ang komong kayamanan, sa pamamagitan ng mas mabisang hakbangin.
Salin: Vera