Ideya ng praktika ng Tsina sa karapatang pantao, inilahad ng China Society for Human Rights Studies sa ika-47 Sesyon ng UNHRC

2021-07-15 16:08:24  CMG
Share with:

Sa ika-47 Sesyon ng United Nations Human Rights Council (UNHRC) na ginanap sa Geneva mula ika-21 ng Hunyo hanggang ika-14 ng Hulyo, 2021, isinumite ng China Society for Human Rights Studies ang nakasulat na talumpati para ilahad ang ideya at praktika ng bansa sa usapin ng karapatang pantao, at batikusin ang mga masamang kilos ng Amerika sa usaping ito.
 

Batay sa nakararaming imbestigasyon at pananaliksik, pinuna ng nasabing talumpati ang pagbatikos ng mga bansang kanluranin sa umano’y “sapilitang pagtatrabaho” sa Xinjiang.
 

Anang talumpati, ang mga patakaran ng bansa sa Xinjiang at Tibet ay nagpatingkad ng mahalagang papel para sa pagpawi ng karalitaan at pagpapabuti ng kondisyon ng produksyon at pamumuhay ng mga mamamayan sa lokalidad.
 

Sa kabilang dako, binigyang-diin ng talumpatina ang mga patakaran ng Amerika sa panahon ng pandemiya ng Coronavirus Disease 2019 (COVID-19) ay ibayo pang nagpasidhi sa di-pagkakapantay-pantay ng mga lahi.
 

Dapat tumpak na tingnan ng pamahalaang Amerikano ang katotohanang ito, ipakita ang mithiing pulitikal sa pagresolba sa kaukulang problema, at isagawa ang mabisang hakbangin, upang mapawi ang di-pagkakapantay-pantay sa pagitan ng mga lahi sa iba’t ibang larangan, diin ng talumpati.
 

Salin: Vera
 

Pulido: Rhio

Please select the login method