14℃
Beijing

Pilipinas, muling guest country of honor sa CIFIT 2021; mga oportunidad ng pamumuhunan sa ilang importanteng sektor, inilahad

2021-09-09 14:05:47  CMG
Share with:

Binuksan nitong Miyerkules, Setyembre 8, 2021 sa Xiamen, Fujian, gawing silangan ng Tsina ang China International Fair for Investment and Trade (CIFIT) 2021.

 

Ang tema ngayong taon ay Introducing FDI at Going Global.  Alok ng CIFIT 2021 ang mga pagkakataon para sa pagpapasigla ng domestiko at internasyonal na kalakalan at pamumuhunan sa gitna ng pandemya. Idaraos ito hanggang September 10 sa Xiamen International Conference & Exhibition Center. 5000 kompanya mula sa 100 bansa at rehiyon ang kalahok sa CIFIT 2021.

 

Ang delegasyon ng Pilipinas ay pinangunahan ni Ambassador to China Jose Santiago Sta. Romana at mga opisyal na naka-base sa Tsina mula sa Kagawaran ng Kalakalan at Industriya (DTI), Kagawaran ng Pagsasaka (DA) at Kagawaran ng Turismo (DOT).

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5813

Ang delegasyong Pilipino 

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5835

Ana Abejuela, Agriculture Counselor to Beijing

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5965

Mario Tani, Commercial Vice Consul, PTIC Shanghai

 

Ang Pilipinas, sa ikalawang magkasunod na taon ay lalahok bilang guest country of honor.

 

Sa kanyang opening remarks sa Philippine Investment Forum na ginanap din sa araw ng pagbubukas, ipinahayag ni Ambassador Jose Santiago Sta. Romana  ang taos pusong  pagpapahalaga sa pamahalaang Tsino at tagapagtaguyod ng CIFIT sa natatanging katanyagang ibinigay sa Pilipinas bilang CIFIT Guest Country of Honor ngayong 2021 at maging  noong 2020. “Ito ay nagbibigay ng mabuting pagkakataon para pukawin ang interes sa Pilipinas bilang destinasyong paglalagakan ng mga (dayuhang) puhunan,”aniya.

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5602

Ambassador Sta. Romana

 

Sa taong ito, ang mga aktibidad ng Pilipinas sa  CIFIT 2021 ay napapaloob sa Make It Happen in the Philippines investment promotion campaign. At nakatuon sa walong importanteng sektor: Manufacturing, IT-BPM, Hyperscalers, Innovation and Digital Technologies, Agri-business, Real Estate Development, Renewable Energy at Infrastructure.

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_09082021 PRU-447NR CIFIT 2021 OPENS TODAY!-2

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_09082021 PRU-447NR CIFIT 2021 OPENS TODAY!-3

 

Ang Tsina ang pinakamahalagang economic partner ng Pilipinas sa kasalukuyan. Nasa unang pwesto ang Tsina sa  225  trading partners, ayon kay Senior Trade Representative JP Inigo ng DTI Guangzhou. Aniya pa, umabot sa RMB 271 bilyon  ang bilateral trade. Nasa ikalawang pwesto ang Tsina sa pamumuhunan na nagkakahalaga ng RMB 2.048 bilyon. Ngunit maliit ito kumpara sa Chinese FDI outflows sa Amerika at Europa na umabot sa RMB 39 trilyon.  Umaasa ang Pilipinas na lalaki pa ang pamumuhunan ng Tsina sa darating na mga taon, saad pa ni STR Inigo.    

 

Sampung (10) exhibitors ang kasali sa CIFIT 2021 na kinabibilangan ng mga special economic zones ng Pilipinas. Idinaos din sa araw ng pagbubukas, bukod sa Philippine Investment Forum ang dalawa iba pa, ang forum na nakatuon sa industrial parks and centers sa pangunguna ng Philippine Economic Zone Authority at  ang forum para sa construction and infrastructure opportunities.  

 

Ayon sa DTI ang sektor ng konstruksyon ay isa sa mga pinakamalakas ng growth engine ng ekonomiya ng Pilipinas. At nilikha ng pamahalaan ang mga patakaran at reporma upang mas maging madali ang pagpasok ng mga negosyante at investors sa pag-asang pupunuan nito ang infrastructure gaps  ng bansa.

 

Batay sa datos ng DTI, ang Tsina ang pinakamalaking export market na sumasaklaw sa 16.2% ng kabuuang pagluluwas ng bansa mula Enero hanggang Mayo 2021. Nangunguna rin ang Tsina bilang pinagmumulan ng imports o pag-aangkat na may 27% share.  Pagdating sa Foreign Direct Investment, umabot sa US$ 10.33M (RMB 66.94M) ang halaga mula Enero hanggang Mayo 2021, mas mataas ito ng 128% kumpara sa  parehong panahon noong isang taon.

 

Sa kanyang mensahe sa pagtatapos ng Philippine Investment Forum, sinabi ni Senior Trade Representative Glenn G. Peñaranda, Commercial Counsellor ng Philippine Trade and Investment Center sa Beijing na apat (4) na Letters of Intent ang pinirmahan sa panahon ng CIFIT 2021. Pinatutunayan nito ang malakas na interes ng mamumuhunang Tsino sa mga oportunidad na alok ng Pilipinas.

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5551

Glenn G. Peñaranda, Senior Trade Representative, PTIC Beijing

 

Kasalukuyan ding nakikipagtulungan ang Pilipinas sa Bank of China. Bilang strategic partner, isinasagawa ng Bank of China ang pagpapalaganap ng kaalaman sa merkadong Tsino tungkol sa mga proyektong  pangkalakalan at pamumuhunan ng Pilipinas. Ang naturang bangko ay may komersyal na lisensya mula pa noong 2002.

 

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5517

Pilipinas, muling guest country of honor sa CIFIT 2021; mga oportunidad ng pamumuhunan  sa ilang importanteng sektor, inilahad_fororder_CTY_5518

Philippine Investment Forum Registration 

 

Ulat: Machelle Ramos 

Content-edit: Jade/Mac

Web-edit: Jade/Vera 

Larawan: PITC China

Koment( Komento)

Please select the login method