Binuksan kahapon sa Moscow ang ika-6 na linggo ng kultura ng mga kababaihan ng Tsina at Rusya at ika-4 na porum ng kababaihan ng Tsina at Rusya. Lumahok dito sina Sergei Mironov, pangulo ng Federation Council ng Rusya, Chen Zhili, pangalawang tagapangulo ng Pirmihang Lupon ng Pambansang Kongresong Bayan ng Tsina o NPC at pangulo ng All-China Women's Federation, at Li Hui, embahador ng Tsina sa Rusya, at magkakahiwalay silang bumigkas ng talumpati.
Sa kanyang talumpati, ipinahayag ni Mironov ang mainit na pagtanggap sa pagdaraos ng linggo ng kultura at porum. Sinabi niyang ang pagpapaunlad ng estratehikong relasyong pangkoordinasyon sa Tsina ay isa sa mga pinakamahalagang priyoridad na direksyon ng patakarang panlabas ng Rsuya. Ang pangmatagalang kooperasyon ng mga kababaihan ng Tsina at Rusya ay nagbibigay ng mahalagang ambag para sa pagpapalalim ng pagkakaibigan at paguunawaan ng mga mamamayan ng dalawang bansa.
Tinukoy naman ni Chen Zhili na sa ilalim ng magkasamang pagsisikap ng mga mamamayan ng dalawang bansa, naitatag ng Tsina at Rusya ang isang situwasyong pangkooperasyon na may maraming antas at larangan. Ang relasyon ng dalawang bansa ay pumasok sa landas ng komprehensibo, mabilis at malalim na pag-unlad. Kasabay nito, walang humpay na umuunlad ang pangkaibigang pagpapalitan at aktuwal na kooperasyon sa pagitan ng mga kababaihan ng dalawang bansa, at walang humpay na tumataas ang saklaw, kalaliman at kalidad nito. Bilang isa sa mga proyekto ng pagpapalitan sa antas ng estado, ang linggol ng kulturan ng mga kababaihan ng Tsina at Rusya ay naging isang mahalagang plataporma ng pagpapalitan sa larangang pangkultura, partikular na isang mahalagang plataporma ng pagpapalitan ng mga kababaihan ng Tsina at Rusya.
Salin:Sarah
