Sinabi kahapon ni Alberto Romulo, kalihim ng suliraning panlabas ng Pilipinas, na sapul nang itatag ang relasyong diplomatiko ng Pilipinas at Tsina, lalong lalo na nitong 10 taong nakalipas, napakalaking umunlad ang realsyong Pilipino-Tsino at walang humpay na lumalalim ang kooperasyon ng dalawang bansa sa iba't ibang larangan.
Winika ito ni Romulo sa resepsiyong inihandog ng embahadang Tsino sa Pilipinas bilang pagdiriwang sa ika-35 anibersaryo ng pagkakatatag ng relasyong diplomatiko ng dalawang bansa.
Sinabi naman sa resepsyon ni Liu Jianchao, embahador na Tsino sa Pilipinas, na nitong 35 taong nakalipas, napakahalaga ng mabunga at konstruktibong pag-uusap ng mga mataas na lider ng dalawang bansa sa pagpapsulong ng kanilang bilateral na relasyon. Noong taong 2005, magkasamang itinakda nina pangulong Hu Jintao at pangulong Gloria Macapagal Arroyo ang pampatnubay na prinsipyo sa bilateral na relasyon na itatag ang estratehikong relasyong pangkooperasyon. Binigyang-diin din ni Liu na ang pag-unlad ng kabuhayan at kalakalan ng dalawang bansa ay nakakapagpasulong sa kanilang bilateral na relasyon.
Salin: Sissi
