Naganap kaninang madaling araw sa rehiyon ng Preah Vihear ang sandatahang sagupaan sa pagitan ng mga tropa ng Cambodia at Thailand. Kinunpirma kahapon ni tagapagsalita Sansern Kaewkanmerd ng tropang panlupa ng Thailand na ang sagupaang ito ay ikinamatay na ng isang sundalong Thai at ikinasugat ng 4 na sundalo.
Sinabi ni Sansern na sa kasalukuyan, sinimulan na ang pag-uugnayan ng panig militar ng dalawang bansa para hanapin ang tumpak na paraan para maiwasan ang bagong sagupaan.
Pagkaraang maganap kahapon ang sagupaan sa rehiyon ng Preah Vihear sa pagitan ng mga tropa ng Cambodia at Thailand, ito ang isa pang pagpapalitan ng putok ng dalawang panig. Kahapon ng hapon, naganap sa naturang rehiyon ang sandatahang sagupaan ng dalawang panig na tumagal ng mahigit tatlong oras, at ito'y ikinamatay ng isang sibilyan at ikinasugat ng limang sundalo.
Nagpalabas na ang Ministring Panlabas ng Cambodia ng proklamasyong nagsasabing matapat na umaasa ang kaniyang bansa na malulutas ang alitang panghanggahan nila ng Thailand sa mapayapang paraan. Sinabi naman ng pangalawang PM ng Cambodia na magharap ang kaniyang pamahalaan ng reklamo sa UN Security Council hinggil sa insidente ng pagsalakay ng Thailand sa Cambodia.
Salin: Li Feng