Ipinahayag kagabi ni Liu Jianchao, Embahador ng Tsina sa Indonesia, na sa loob ng kanyang 5 buwang pagtatrabaho bilang sugo ng Tsina sa Indonesia nakita niyang patuloy na lumalaki ang pagtitiwalang pulitikal ng Tsina at Indonesia. Aniya pa, patuloy na umuunlad ang kooperasyong pangkabuhayan ng Tsina at Indonesia at maaari pa itong ibayong sumulong sa hinaharap. Umabot sa 26.5 bilyong dolyar ang halaga ng kalakalan ng dalawang bansa mula Enero hanggang Mayo. At naging pangatlong pinakamalaking trade partner ng Tsina ang Indonesia sa ASEAN. Naging napakadalas din ang pagpapalitan ng mga mamamayan ng dalawang bansa.
Sinabi pa ni Liu, na madalas na dumalaw ang mga lider ng dalawang bansa sa isa't isa ngayong taon, dahilan ng paglaki ng pagtitiwalang pulitikal. Bukod dito, lumaki din nang mabilis ang pakikipagkalakalan ng dalawang bansa.
Salin: Chen Jingyang