Hinggil sa CRIHinggil sa Serbisyo Filipino
   

Ika-9 na Internasyonal na Eksposisyong Panghardin ng Tsina

(GMT+08:00) 2013-07-04 10:14:49       CRI

Magmula sa "Hardin ng Eden" hanggang sa "Nakabiting Hardin ng Babilonya," sa mula't mula pa'y ang mga hardin sa ibat-ibang sulok ng daigdig ay matagal nang gumaganap ng kamangha-mangha at misteryosong papel sa sibilisasyon ng tao, at sa pagpapakita ng damdamin.

Gusaling estilong Europeo

Sa katunayan, matagal na rin itong alam ng mga Tsino; kaya naman, sa mahigit tatlong libong (3,000) taong kasaysayan ng sibilisasyong Tsino, makikitang nakapagdebelop sila ng sariling estilo ng paghahardin, na maaring ikumpara sa mga hardin ng Kanlurang Asya at Europa.

Mga bulaklak ng Garden Expo

Sa kasalukuyan, patuloy na nagpupunyagi ang Tsina upang pabutihin ang kalidad ng pamumuhay ng mga mamamayan nito, at maging isang lakas-tagapagpasulong ng ekonomiya at kapayapaan sa daigdig, habang pinapangalagaan ang kalikasan. Kaya naman, noong nagdaang Mayo ng kasalukuyang taon, binuksan sa pampang ng Ilog Yongding ng Distrito ng Fengtai, Beijing ang Ika-9 na Internasyonal na Eksposisyong Panghardin ng Tsina.

Gusaling estilong Gitnang Silangan

Hardin ng sinaunang Tsina

Hardin na estilong Ezhou

Ito ay isang primera klaseng kaganapan sa mundo ng paghahardin, kung saan ipinakikita ang ibat-ibang estilo ng internasyonal na hardin at apatnapu't pitong (47) rehiyonal na hardin ng Tsina.

Ito ay ginaganap minsan sa loob ng dalawang taon, at patuloy itong itatampok sa loob ng anim (6) na buwan. Ito rin ay magbibigay ng pagkakataon sa lahat ng Tsino't dayuhan upang matutunan ang hinggil sa horticulture at magkaroon ng pagpapahalaga sa kagandahan ng kalikasan.

Hardin na estilong Jinan

Hardin na estilong Suzhou

Ang lugar na pinagdarausan ng Ika-9 na Internasyonal na Eksposisyong Panghardin ng Tsina ay may lawak na limang daan at labintatlong (513) ektarya: ito ay dating tambakan ng basura. Sa pamamagitan ng restorasyong ekolohikal, nagkaroon ng transpormasyon ang lugar na ito sa isang "green miracle."

Hardin na estilong Taiwan

Mga eskulturang gawa sa halaman

Bukod sa mga hardin, ang nasabing expo ay mayroon ding mga Museo ng Harding Tsino: dito makikita kung paano pinaunlad ng mga sinaunang Tsino ang kanilang estilo ng paghahardin.

Hardin na estilong Guangdong

Paano Mararating:

Subway

 Sumakay sa Beijing Subway Line 10: pagdating sa Xiju Station, lumipat sa Line 14, at bumaba sa Garden Expo Park Station.

Bus (Araw-araw)

 Sakyan ang alinman sa mga bus na may numerong 327, 385, at 952, at bumaba sa istasyon ng Manshuiqiao. Mula rito, maari nang lumakad papunta sa Garden Expo.

Espesyal na Linya ng Bus (Weekdays at Holidays)

(Bayad: 5 RMB para sa 15 kilometro, pababa: at 10 RMB naman para sa mas malayo kaysa 15 kilometro. Ang mga discount at traffic cards ay hindi maaring gamitin).

 Special Bus Line 1 – Beijing South Railway Station hanggang Garden Expo Park (20 kilometro)

 Special Bus Line 2 – Beijing West Railway Station hanggang Garden Expo Park (Mga 16 kilometro)

 Special Bus Line 3 – Wulu Public Transport Station hanggang Garden Expo Park (Mga 16 kilometro)

 Special Bus Line 4 – Xiju hanggang Garden Expo Park (Mga 12 kilometro)

Entrance Fee: 100RMB

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>