Nanawagan kahapon ang mga organong pandaigdig na siyentipikong harapin ang epidemiya ng influenza A.
Sa espesyal na pulong ng ng pangkalahatang asembleya ng UN hinggil sa isyu ng influenza A, sinabi ni Ban Ki-moon, pangkalahatang kalihim ng UN, na dapat isagawa ng iba't ibang bansa ang isang malakas na bagong multilateral na kooperasyon para harapin ang kasalukuyang epidemiya.
Nanawagan si Margaret Chan, Direktor Heneral ng World Health Organization, na sa kasalukuyang kalagayan ng resesyon ng kabuhayang pandaigdig, hindi dapat isagawa ng mga bansa ang mga hakbangin na posibleng magdudulot ng negatibong epekto sa mga larangan ng kabuhayan at lipunan.
Sa kabilang dako, unti-unting napapanumbalik ang normal na kaasyusang panlipunan ng mga purok na malubha ang epidemiya na gaya ng Estados Unidos at Mexico. Ipinatalastas kahapon ni Felipe Calderon, Pangulo ng Mexico, na dahil matatag na ang kalagayan, mapapanumbalik ang normal na takbo ng mga paaralan, kindergarden at iba't ibang sektor ng buong bansa. Ngunit anya, dapat pag-ibayuhin pa ang mga hakbangin ng pagpigil sa epidemiya.
Nang araw ring iyon, sinabi ni Robert Gibbs, Tagapagsalita ng White House ng E.U., na ayon sa optimistikong palagay, natapos na ang pinakamalubhang yugto ng epidemiyang ito, ngunit dapat panatilihin pa ang pagmamatyag dito at nagsisikap ang mga siyentistang Amerikano para idebelop ang bakuna.
Ayon sa pinakahuling estadistika ng WHO, hanggang ngayong tanghali, 1085 ang bilang ng mga kumpirmadong kaso ng influenza A sa 21 bansa at rehiyon sa buong daigdig at kabilang dito, 26 sa Mexico at E.U. ang namatay.
Salin: Ernest
