Nangulo kahapon si premyer Wen Jiabao ng Tsina sa pulong ng Konseho ng Estado para pag-aralan at isaayos ang ibayo pang pagpapalakas ng mga hakbangin ng pagpigil sa epidemiya ng influenza A.
Tinukoy ng pulong na kinakaharap pa ng Tsina ang panganib ng pagkalat ng epidemiyang ito sa loob ng bansa, kaya dapat panatilihin ang lubos na pagmamatyag. Dapat patuloy na palakasin ng Tsina ang pagsusuri sa aspekto ng pagpasok-labas at kung matutuklasan ang may-sakit, agarang isagawa ang quarantine, pagsusuri, diyagnosis at paglunas. Kasabay nito, dapat itatag ang koordinadong mekanismo kasama ng Hong Kong, Macao at Taiwan, palakasin ang pakikipagkooperasyon sa mga bansa at organisasyong pandaigdig at ipagkaloob ang pondo, materyal o teknolohiya sa mga bansang nangangailangan ng tulong.
Sa kasalukuyan, aktibo ang iba't ibang lugar ng Tsina sa gawain ng pagpigil sa epidemiya at isinasagawa ng mga organong pananaliksik ang mga gawain hinggil sa maagang pagbabala sa epidemiya, mabilis na diyagnosis, pagrereserba ng gamot at pagdedebelop ng bakuna.
Salin: Liu Kai