|
||||||||
|
||
Sa kanyang paglalakbay-suri mula kamakalawa hanggang ngayong araw sa Lunsod ng Xi'an ng Lalawigang Shaanxi, binigyang-diin ni premyer Wen Jiabao ng Tsina na dapat palakasin ang pagkatig ng patakaran at isakatuparan ang koordinadong pag-unlad sa pagitan ng lunsod at nayon at ng iba't ibang rehiyon para mapataas ang paggagalugad sa dakong kanluran sa bagong antas.
Pagkaraan ng pagbisita sa sona ng hay-tek ng Xi'an, tinukoy ni Wen na sapul nang isagawa ang paggagalugad sa dakong kanluran, nagtamo ng malaking bunga ang pag-unlad ng kabuhayan at lipunan ng rehiyong kanluran. Anya, sa kasalukuyang kalagayan ng pagharap sa pandaigdig na krisis na pinansyal, dapat patuloy na igiit ang estratehiya ng paggagalugad sa dakong kanluran.
Pumunta pa si Wen sa isang recruitment fair para malaman ang kalagayan ng paghahanapbuhay ng mga gradwado ng pamantasan. Naglakbay-suri rin siya sa kalagayan ng produksyon ng pagkaing-butil sa taga-init sa kanugnog purok ng Xi'an.
Salin: Jason
© China Radio International.CRI. All Rights Reserved. 16A Shijingshan Road, Beijing, China. 100040 |