Binigyang-diin ngayong araw sa Seoul ni Stephen Bosworth, espesyal na kinatawan ng E.U. sa isyu ng Hilagang Korea, na dapat lutasin ang isyung nuklear ng Korean Peninsula sa pamamagitan ng multilateral na kooperasyon.
Sinabi ni Bosworth na sa pananatili sa Seoul, nagpalitan sila ng panig T.Koreano ng palagay hinggil sa isyung ito at buong pagkakaisang ipinalalagay ng dalawang panig na ang pagsasakatuparan ng ganap at masisiyasat na walang nuklear na Korean Peninsula ay nukleong target.
Ipinahayag din ni Bosworth na handa na ang E.U. para sa bilateral na diyalogo sa H.Korea, ngunit isasagawa lamang ito sa loob ng balangkas ng 6 Party Talks. Kasabay nito, ipinahayag niya ang pagkabalisa sa pinakahuling pag-unlad ng planong nuklear ng H.Korea at sinabi niyang komprehensibong haharapin ng E.U. ang isyung ito.
Salin:Sarah