Sa pulong ng mga ministro ng pananalapi at puno ng bangko sentral ng Group of 20 na idinaos sa London, Britanya, ipinahayag nina Xie Xuren, ministro ng pananalapi ng Tsina at Zhou Xiaochuan, puno ng People's Bank of China, na patuloy na isasagawa ng Tsina ang hakbangin para patibayin ang tunguhin ng pagbangon ng kabuhayan.
Sa kanyang talumpati sa pulong, isinalaysay ni Xie ang kasalukuyang kalagayang pangkabuhayan ng Tsina. Sinabi niyang mabunga ang serye ng plano ng pagpapasulong ng paglaki ng kabuhayan ng pamahalaang Tsino at nagbabangon ang kabuahayan, ngunit hindi pa matibay ang pundasyon. Sa susunod na yugto, patuloy na isasagawa ang proaktibong patakarang pinansyal at angkop na maluwag na patakarang pansalapi.
Tinukoy din niyang ang kasalukuyan ay masusing panahon ng pagbangon ng kabuhayang pandaigdig at dapat ipagpatuloy at patatagin ng iba't ibang bansa ang patakaran sa makro-ekonomiya, tutulan ang proteksyonismo at pasulungin ang pagpapanumbalik ng paglaki ng kabuhayang paddaigdig.
Sinabi naman ni Zhou na dapat patuloy na panatilihin ng iba't ibang bansa ang mahigpit na kooperasyon para pasulungin ang pagbangon ng kabuhayan at matatag na takbo ng sistemang pinansyal. Hinimok niya ang mga pandaigdig na organisasyong pinansyal na palakasin ang paunang babala, transnasyonal na kooperasyon sa pagsusuperbisa at paghawak ng krisis.
Salin:Sarah
