Nakipagtagpo kahapon sa Kuala Lumpur si pangulong Hu Jintao ng Tsina kay Mizan Zainal Abidin, pinakamataas na lider ng Malaysia. Ipinahayag ng magkabilang panig ang kahandaang magkasamang magsikap at palalimin ang kanilang kooperasyon para makapagbigay ng mas malaking ambag para sa kapayapaan at kaunlaran sa rehiyong ito.
Ipinahayag ng pangulong Tsino na nitong 35 taong nakalipas sapul nang itatag ang relasyong diplomatiko ng Tsina at Malaysia, natamo ng kanilang relasyon ang malaking pag-unlad. Aniya, lubos na pinahahalagahan ng panig Tsino ang pagpapaunlad ng relasyon nila ng Malaysia, at nakahandang magsikap kasama ng panig Malaysian para walang humpay na mapasulong ang relasyon ng dalawang bansa.
Ipinahayag naman ni Mizan na may malalim na pagkakaibigan at mapagkaibigang relasyon ang Malaysia at Tsina, at pinapurihan aniya ng kaniyang bansa ang natamong bunga ng Tsina nitong 60 taong nakalipas sapul nang itatag ang People's Republic of China. Hinahangaan din niya ang walang humpay na pagpapalakas ng Tsina ng pakikipagtulungan sa ASEAN.
Salin: Li Feng