Sa imbitasyon ni pangulong S.R. Nathan ng Singapore, dumating ngayong hapon ng Singapore si pangulong Hu Jintao ng Tsina para pasimulan ang kanyang dalaw na pang-estado doon.
Sa kanyang talumpati sa paliparan, ipinahayag ni Hu na ang Tsina at Singapore ay pangkaibigang kapitbansaan at may malalim at tradisyonal na pagkakaibigan ang mga mamamayan ng dalawang bansa. Sapul nang itatag ang relasyong diplomatiko, mabilis ang pag-unlad ng relasyon ng dalawang bansa, kapansin-pansin ang bunga ng kanilang substansyal na kooperasyon at mahigpit ang kanilang koordinasyon sa mga suliraning panrehiyon at pandaigdig. Umaasa anya siyang sa pamamagitan ng pagdalaw na ito, mapapasulong ang relasyon ng dalawang bansa.
Salin: Sissi