Kinatagpo ngayong araw sa Manila si Jia Qinglin, Tagapangulo ng Pulitikal na Konsultatibong Kapulungan ng mga Mamamayang Tsino, ni Pangulong Gloria Macapagal Arroyo ng Pilipinas.
Ipinahayag ni Arroyo na ang kooperasyon ng Pilipinas at Tsina ay hindi lamang nagdudulot ng benepisyo sa mga mamamayan ng dalawang bansa, kundi rin nakipag-ambag sa mabisang pagharap ng Pilipinas sa epekto ng pandaigdig na krisis na pinansyal. Ipinalalagay anya ng kanyang bansa na mahalaga ang modernisasyon ng Tsina sa Pilipinas at buong Asya at umaasa siyang mapapalawak ang pagtutulungan ng dalawang bansa sa iba't ibang larangan at mapapataas ang kanilang relasyon sa bagong antas.
Ipinahayag naman ni Jia na nakahanda ang Tsina na magsikap, kasama ng Pilipinas, para komprehensibo at malalim na mapasulong ang estratehikong kooperasyon ng dalawang bansa para makinabang dito ang kanilang mga mamamayan.
Sinabi rin ni Jia na pinasasalamatan ng panig Tsino ang pamahalaang Pilipino sa pagkaunawa at pagkatig nito sa Tsina nitong mga nakalipas na panahon sa mga isyung may kinalaman sa nukleong interes ng Tsina. Anya, lubos na pinahahalagahan ng panig Tsino ang paglahok sa mga malaking proyektong pangkooperasyon na may kinalaman sa pamumuhay ng mga mamamayang Pilipino at nakahanda itong patuloy na enkorahehin ang mga bahay-kalakal na Tsino na mamuhunan sa Pilipinas.
Salin: Ernest
