Sa kanyang pakikipagtagpo ngayong araw sa Guangzhou kina Sheikh Ahmad Al-Fahad Al-Sabah, presidente ng Olympic Council of Asia at Jacques Rogge, presidente ng International Olympic Committee, ipinahayag ni premyer Wen Jiabao ng Tsina na ang Asian Games ay isang maringal na aktibidad ng palakasan ng mga mamamayan ng Asya at mahalagang plataporma rin para sa pagpapalitan at pagtutulungan ng rehiyon.
Sinabi ni Wen na ginawa ng Tsina ang lubos na paghahanda para sa Guangzhou Asian Games at buong higpit na makikipagkoordina ang panig Tsino sa iba't ibang panig para maigarantiya ang tagumpay ng kasalukuyang Asiad.
Buong pagkakaisang ipinahayag naman ni Al-Sabah at Rogge na nananalig silang sa ilalim ng magkakasamang pagsisikap ng iba't ibang panig, magiging matagumpay ang Guangzhou Asian Games. Pinasalamatan din nila ang pamahalaang Tsino sa pagbibigay ng namumukod na ambag para sa Olympic Movement.
Salin: Liu Kai