|
||||||||
|
||
Binuksan ngayong hapon sa Beijing ang taunang sesyon ng Pulitikal na Konsultatibong Kapulungan ng mga Mamamayang Tsino o CPPCC. Dumalo sa seremonya ng pagbubukas ang mga lider ng Tsina na kinabibilangan nina Hu Jintao, Wu Bangguo, Wen Jiabao, Jia Qinglin at iba pa.
Sa kaniyang talumpati sa seremonya ng pagbubukas, ipinahayag ni Jia Qinglin, tagapangulo ng CPPCC na pinahahalagahan at tinatanggap ng sentral na pamahalaan ang mga mungkahi mula sa mga kagawad ng CPPCC na gaya ng konstruksyon ng base ng bagong enerhiya at pagpapabuti ng sistema ng endowment insurance at nagbibigay ng ambag ang mga kagawad sa pagpapasulong ng pag-unlad ng kabuhayan at lipunan.
Nang mabanggit ng gawain sa taong ito, sinabi ni Jia na patuloy na papansinin at pasusulungin ng CPPCC ang pagpapabuti ng pamumuhay ng mga mamamayan at imumungkahi ang hinggil sa pagpapabago ng pamamahala sa lipunan, pagpapasulong ng hanap-buhay at reporma ng sistema ng pagbabahagi ng kita at iba pa.
Ang sesyong ito ay tatagal nang 10 araw na nilalahukan ng mahigit 2200 kinatawan mula sa mga partido, samahan at mga nasyonalidad ng Tsina. Tatalakayin nila ang mga mahalagang patakaran hinggil sa pambansang pulitika, kabuhayan at iba't ibang larangan ng lipunan at maghaharap ng mga mungkahi hinggil dito.
salin:wle
© China Radio International.CRI. All Rights Reserved. 16A Shijingshan Road, Beijing, China. 100040 |