Hinggil sa CRIHinggil sa Serbisyo Filipino
   

Government work report, tampok sa pagpapabilis ng pagsasaayos ng estrukturang pangkabuhayan at pagpapabuti ng pamumuhay ng mga mamamayan

(GMT+08:00) 2011-03-05 15:50:24       CRI

Kaugnay ng mga pangunahing target at tungkulin ng Pamahalaang Tsino mula taong 2011 hanggang 2015, ganito ang inilahad ni Premyer Wen.

"Sa susunod na limang taon, kasabay ng ibayo pang pagpapataas ng kalidad at episyensya, tinatayang aabot sa 7% ang karaniwang taunang paglaki ng pambansang kabuhayan. Ibig sabihin, kung tutuusin sa presyo ng taong 2010, sa 2015, inaasahang lalampas sa 55 trilyong Yuan ang GDP."

Pagdating sa mga pangunahing target sa taong 2011, nakasaad sa ulat na aabot sa 8% ang bahagdan ng paglaki ng GDP, kokontrolin sa humigit-kumulang 4% ang CPI, 9 na milyong bagong trabaho ang lilikhain sa mga lunsod at bayan, hindi tataas sa 4.6% ang rehistradong unemployment rate sa mga lunsod at bayan at patuloy na bubuti ang balance of payment.

Kumpara sa mga government work report noong dalawang taong nakaraan, sa ulat sa taong ito, walang malaking pagbabago pagdating sa mga pangunahing target kundi sa CPI na magiging 4% ang inaasahang paglaki sa taong ito kumpara sa 3% ng taong 2010. Mababasa rin sa ulat sa taong ito ang bagong nilalaman na ibayo pang pagpapabuti ng estrukturang pangkabuhayan. Kaugnay nito, ganito ang tinuran ni Premyer Wen.

"Upang makalikha ng magandang kapaligiran para sa pagbabago ng pamamaraan ng pagpapaunlad ng pambansang kabuhayan, dapat hikayatin ang lahat ng mga may kinalamang panig na ipauna ang pagpapabilis ng pagsasaayos ng estrukturang pangkabuhayan, pagpapataas ng kalidad at episyensya ng pag-unlad, pagdaragdag ng trabaho, pagpapabuti ng pamumuhay ng sambayanan at pagpapasulong ng harmonya ng lipunan."

Sa work report, inilahad nang malawakan at malakihan ni Premyer Wen ang hinggil sa pagpapabuti ng pamumuhay ng mga mamamayan. Aniya, para rito, sa taong ito, dapat puspusang pataasin ang saligang kita ng lahat mga mamamayang may mababang kita at dapat pasulungin ang pagbabahagi ng kita.

Masasabing ang pagpapabilis ng pagbabago ng pamamaraan ng pagpapaunlad ng pambansang kabuhayan at paggarantiya at pagpapabuti ng pamumuhay ng mga mamamayan ay dalawang pinakatampok sa government work report sa taong ito.

Salin: Jade

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>