|
||||||||
|
||
Ang kaguluhang sumiklab kamakailan sa mga bansa sa Gitnang Silangan at Hilagang Aprika ay nakatawag ng pansin ng buong mundo at inaanalisa ng maraming tao ang sanhi nito. Nagpahayag si Tang Jizan, dalubhasang Tsino sa isyu ng Gitnang Silangan, ng kanyang kuru-kuro tungkol dito.
Unang una, ang masama at mahirap na kondisyon ng pamumuhay ng mga mamamayan ay nagbunsod ng kaguluhan. Kapos sa yaman ang mga bansang gaya ng Tunisia, Ehipto, Yemen, Algeria, Sudan, Jordan at Morocco, atrasado sila sa proseso ng globalisasyong pangkabuhayan nitong nakalipas na ilang taon. Sa ilalim ng mahirap na kondisyon ng pamumuhay, hindi nakita ng mga mamamayan ang alinmang pag-asa, kaya buong pananabik na inantabayanan nila ang pagbabago.
Ika-2, ang di-makatarungang distribusyon at malaking agwat sa pagitan ng mga mayayaman at mahihirap ay nakatawag ng kawalang-kasiyahan ng mga mamamayan.
Ika-3, ang walang tigil na pagtaas ng unemployment rate ay hindi ikinasisiya ng mga kabataan at nag-udyok sa kanila na magdemonstrasyon. Nananatiling 30% hanggang 40%, maging lumampas sa 50% ang unemployment rate ng naturang mga bansa sa Gitnang Silangan at Hilagang Aprika. Datapuwa't medyo lumaganap ang edukasyon sa Ehipto at Tunisia na tumanggap ang maraming kabataan ng edukasyon sa unibersidad, pero mahirap sila sa paghahanap-buhay pagkatapos ng graduwasyon.
Ika-4, malubha ang kalagayan ng katiwalian ng mga opisyal sa Gitnang Silangan at Hilagang Aprika, lalong lalo na, sa Ehipto at Tunisia.
Ika-5, matigas ang sistema at naantala ang reporma. Ang kalagayang ito ay malubhang humahadlang sa pag-unlad ng kabuhayan at lipunan. Mga lider sa mga bansa sa Gitnang Silangan at Hilagang Aprika ang humawak ng kapangyarihan sa mahabang panahon. Ang "pulitika ng mga matatanda" ay madaling humantong sa pagiging matigas ng sistema. Bukod dito, ang hereditary system sa ilang bansa ay hindi ikinasisiya ng mga mamamayan.
At ika-6, ang internet ay nanunulsol ng kaguluhan. Ang pananawagan sa paglikha ng kaguluhan sa mga bansang gaya ng Tunsia at Ehipto ay ipinalabas at pinalaganap sa pamamagitan ng internet. Kapos ang mga bansa sa Gitnang Silangan at Hilagang Aprika sa kinakailangang pagsusuperbisa't pamamahala sa internet.
© China Radio International.CRI. All Rights Reserved. 16A Shijingshan Road, Beijing, China. 100040 |