23 diplomatic envoy mula sa iba't ibang bansa at mga kinatawan ng iba't ibang internasyonal na organisasyon ang bumisita sa Sichuan upang makita ang bagong mukha ng mga tinamaang lugar ng malakas lindol na naganap noong ika 12 ng Mayo, taong 2008.
Ayon kay Mohammad Hassan, charge d'affaires ad interim ng embahada ng Pakistan na sa mundong ito ang pamahalaan ng Tsina lamang ang nakapagkamit ng ganito kalaking tagumpay sa rekonstruksyon ng mga lugar ng kalamidad matapos maganap ang ganito kalakas na paglindol
Sinalubong ni Liu Qibao, General Secretary ng Communist Party Committee of Sichuan Province, noong araw ding iyon ang nasabing mga panauhing dayuhan at buong puso itong nagpasalamat sa gobyerno ng iba't ibang bansa at mga internasyonal na organisasyon sa ibinigay na tulong ng mga ito sa Sichuan. Aniya, sa nagdaang tatlong taon matapos ang lindol, umunlad sa aspekto ng transportasyon ang Sichuan, at umangat ang pag-unlad sa industriya.
Kabilang sa 23 sugong dayuhang bumisita sa Sichuan ay nagmula sa Pakistan, Indonesiya, Thailand, Singapore, Japan, Rusya, Australia at iba pang mga bansa. Ilan naman sa mga kinatawan ng mga internasyonal na organisasyon ay mula sa UN Children's Fund (UNCF), International Federation of Red Cross and Red Crescent Societies.
Salin: Joshua
