Pananaw sa idinaraos na serye na pulong ng mga ministro ng ASEAN, Tsina at iba pang bansa ng Silangang Asya

(GMT+08:00) 2011-07-21 18:09:44 CRI

Nakatakdang idaos mula ngayong araw hanggang samakalawa sa Bali, Indonesiya, ang Pulong ng mga Ministrong Panlabas ng ASEAN at Tsina (10+1), Pulong ng mga Ministrong Panlabas ng ASEAN, Tsina, Hapon at Timog Korea (10+3), East Asia Summit Foreign Ministers' Consultation at ASEAN Regional Forum (ARF) Foreign Ministers' Meeting na kung saan ang kalahok na ministrong panlabas ng Tsina na si Yang Jiechi ay maglalahad ng paninindigan ng Tsina sa pagtutulungan ng 10+1 at 10+3, kalagayang panseguridad ng Asiya-Pasipiko, at direksyon ng pag-unlad ng East Asia Summit at ASEAN Regional Forum.

Ngayong taon ay ika-20 anibersaryo ng pagkakatatag ng dialogue partnership ng Tsina't ASEAN. Pagpasok ng nagdaang taon, ang Tsina ay nagsimulang maging pinakamalaking trade partner ng ASEAN at pagpasok naman ng nagdaang Abril, ang ASEAN ay nagsimulang maging ikatlong pinakamalaking trade partner ng Tsina. Pagdating sa pagtutulungan ng Tsina at Asean sa hinaharap, ayon kay Tong Xiaoling, Embahador ng Tsina sa ASEAN, patuloy na palalawakin ng Tsina ang pagtutulungan nila ng ASEAN sa ilalim ng China-ASEAN Free Trade Area na nagsimulang magsaoperasyon noong unang araw ng Enero, taong 2010, lalung lalo na ibayo pang maglalatag ng plataporma para sa mga katamtamang laki at maliliiit na bahay-kalakal.

Bilang dalawang bagong miyembro ng East Asia Summit, sa kauna-unahang pagkakataon, lalahok sa East Asia Summit Foreign Ministers' Consultation ang Amerika at Rusya, bagay na nakatawag ng malawak na pansin. Ayon kay Zhang Jiuhuan, dating sugong Tsino sa Singapore at Thailand, ang bagong round ng maigting na kalagayan ng South China Sea ay may kaugnayan sa pagbabalik ng Amerika sa Asya. Hinggil dito, laging tutol na tutol ang Tsina na gawing isyung internasyonal ang isyu ng South China Sea at dapat itong lutasin sa pamamagitan ng bilateral na talastasan sa pagitan ng Tsina at iba pang mga bansang ASEAN batay sa Declaration on Conduct of Parties in South China Sea na nilagdaan nila noong 2002. Ipinagdiinan ng dalubhasang Tsino na ang idinaraos na serye ng pulong ng mga ministrong panlabas ay dapat magsilbing plataporma ng kapayapaan, pagbubukas at pagtutulungan at hindi ito dapat maging arena ng pag-aawayan o pagpapataw ng pressure.

Salin: Jade

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>