|
||||||||
|
||
DAHILAN sa magandang ani ng tubo, malaki ang posibilidad na makapaglabas ng may 300,000 metriko tonelada ng raw at refined sugar ngayong crop year na ito.
Ayon kay Agriculture Secretary Proceso J. Alcala, sa pagkakaroon ng aning umabot sa 2.39 milyong metriko tolenada para sa crop year na 2010-2011, nakita ang idinagdag ng may 21.3% kaysa inani noong nakalipas na taon.
Malaki ang posibilidad na maging regular na ang magandang ani ng asukal at higit na sa pangangialangan ng bansa at malalampasan na ang quota obligations. Ito ang pahayag ni Ginoong Alcala sa 17th Asia International Sugar Conference sa Cebu kamakailan.
Sa mga pangyayaring ito, malaki rin ang posibilidad na hindi na umangkat pa ang Pilipinas ng asukal at maging isa nang maaasahang supplier ng asukal para sa Timog Silangang Asia. Higit umanong nakatitiyak ang mga magsasakang kikita ng malaki sa oras na madagdagan pa ang ani ng mga tubohan sa Pilipinas.
Halos limang ulit ang itinaas ng inaning raw sugar na higit sa 623,500 metriko tonelada at dahilan na rin sa pagbagsak ng sugar consumption at umabot lamang sa 1.5 milyong metriko tonelada mula sa 1.8 milyong metriko tonelada mula noong 2009-2010.
Bumagsak ang presyo ng raw sugar mula P 2,480 bawat sakong naglalaman ng 50 kilo at umabot na lamang sa P 1,300.
© China Radio International.CRI. All Rights Reserved. 16A Shijingshan Road, Beijing, China. 100040 |