|
||||||||
|
||
Kasalukuyang ginagawa ni Pangulong Benigno Simeon Aquino III ng Pilipinas ang kanyang dalaw na pang-estado sa Tsina. Bukod sa pagiging pangulong Pilipino, mayroon pa siyang isang espesyal na pagkakakilanlan. Ang kanyang nanay at dating Pangulong Cory Aquino, bilang ika-apat na henerasyon ng Chinese-Filipino, ay nakarating sa Nayong Hongjian, sa Lunsod ng Zhangzhou, Lalawigang Fujian, noong 1988, para bakasin ang ugat at magbigay-galang sa ninunong Tsino at nagtanim din siya ng isang puno na nagsisilbing pagkakaibigang Sino-Pilipino. Ayon sa iskedyul, bukod sa biyahe sa Beijing, Shanghai at Xiamen, magsasadya rin si PNoy sa Nayong Hongjian para mabakas ang kanunu-nunuan.
Kaugnay nito, sinabi ni Qu Xing, Puno ng China Institute of International Studies na dahil maraming Pinoy ang may dugong Tsino at komong hangarin ng mga mamamayan ng Tsina't Pilipinas na mapaunlad ang kanilang relasyon at ang gagawing biyahe ni PNoy sa kanyang lupang-tinubuan sa Tsina ay isang magandang signal para sa sambayanan ng dalawang bansa.
Ayon sa mga tagapag-analisa, ang espesyal na pagkakakilanlan ni PNoy ay makakabuti sa pagpapalapit ng mga mamamayan ng dalawang bansa dahil ang pundayon at pinakaesensyal sa pagpapalitan ng dalawang bansa ay ang pagpapakaibigan ng mga mamamayan at ang pundayon at pinakaesensyal sa pagpapalitan ng mga tao naman ay ang pag-uugnayan sa kaibuturan ng puso.
Ayon pa rin sa mga dalubhasa, ang pagpapasulong ng kooperasyong pangkabuhaya't pangkalakalan at pagbibigay-galang sa lupuang-tinubuan ng mga ninuno sa Tsina ay ang dalawang pinakatampok sa kasalukuyang biyahe ni PNoy at ito ay nagpapakita ng estratehikong pagsasaalang-alang ng dalawang bansa sa panlahat na kalagayan ng bilateral na relasyon.
Salin: Jade
© China Radio International.CRI. All Rights Reserved. 16A Shijingshan Road, Beijing, China. 100040 |