|
||||||||
|
||
INUTUSAN ni Pangulong Benigno Simeon C. Aquino III ang bagong pinuno ng Philippine National Police na si Director General Nicanor Bartolome na higit na maging masigasig sa pagtugis sa mga kidnapper, carnapper at masasamang elemento ng lipunan.
Ito ang kanyang pahayag sa turn-over ceremonies na isinagawa sa Campo Crame sa Quezon City kaninang umaga. Nag-retiro na si Director General Raul Bacalzo sa pagsapit sa kanyang ika-56 na kaarawan.
Sinabi ni Pangulong Aquino na naniniwala siyang maipagpapatuloy ni General Bartolome na ngayo'y 54 na taong gulang, ang nasimulan ni General Bacalzo na nagpalaganap ng propesyonalismo, integridad at kagitingan sa buong hanay ng pulisya na may 117,000 katao sa buong bansa.
Nanawagan din ang pangulo sa buong lakas ng pulisya na maglakas-loob na dakpin ang kapwa pulis sa oras na lumabag sa batas tulad ng pangingikil ng salapi at pag-abuso sa katungkulan. Kailangan din umanong matuto ang mga pulisy na tumanggi sa suhol upang magpatuloy ang pagtitiwala ng taongbayan.
© China Radio International.CRI. All Rights Reserved. 16A Shijingshan Road, Beijing, China. 100040 |