Kinatagpo kahapon ng hapon sa Hawaii ni Pangulong Hu Jintao ng Tsina ang mga kinatawan mula sa sirkulong komersyal ng Estados Unidos (E.U.). Binigyan-diin ni Hu na ang esensiya ng kooperasyong pangkabuhaya't pangkalakalan ng Tsina at E.U. ay double win at ang pagpapalalim ng mga ito ay hindi lamang may kinalaman sa kapakanan at interes ng mga mamamayan ng dalawang bansa, kundi sa pag-ahon din at pag-unlad ng kabuhayan ng daigdig.
Tinukoy ni Hu na sa kasalukuyan, kinakaharap ng relasyong pangkabuhaya't pangkalakalan ng Tsina at E.U. ang hamon pati ang pagkakataon. Kung paluluwagin aniya ng panig Amerikano ang restriksyon ng pagluluwas sa hi-tek sa Tsina, hindi lamang mapapahupa ang di-pagkabalanse ng kalakalang Sino-Amerikano, kundi ang kahirapan din sa kabuhayan at hanap-buhay ng E.U..
Nanawagan din si Hu sa mga kompanya ng Tsina at E.U. na igiit ang pantay-pantay na pagsasanggunian, sundan ang alituntunin ng pamilihan at regulasyon ng WTO, tumpak na hawakan ang alitang pangkabuhaya't pangkalakalan, huwag isapulitika ang mga isyu at huwag magsagawa ng proteksyonismo.
Ipinahayag naman ng mga kinatawan na laging kinakatigan ng sirkulong komersyal ng E.U. ang pagpapaunlad ng relasyong Sino-Amerikano at nakahanda silang ibayo pang palawakin ang pamumuhunan at kooperasyong may mutuwal na kapakinabangan sa Tsina.
