|
||||||||
|
||
Sa panahon ng kanyang pagsama kay Pangulong Hu Jintao ng Tsina sa paglahok sa ika-19 na di-pormal na summit ng Asia-Pacific Economic Cooperation o APEC, kinatagpo kahapon sa Honolulu, punong lunsod ng estado ng Hawaii, ni Hillary Clinton, Kalihim ng Estado ng Estados Unidos, si Yang Jiechi, Ministrong Panlabas ng Tsina. Nagpalitan sila ng kuru-kuro hinggil sa mga isyung panrehiyo't pandaigdig na kapuwa nila pinahahalagahan.
Sinabi ni Yang Jiechi na may mahalagang katuturan ang gaganaping pagtatagpo ng mga pangulo ng dalawang bansa para sa malusog na pag-unlad ng relasyong Sino-Amerikano. Sa ilalim ng kasalukuyang kalagayan, nakahanda aniya ang Tsina, kasama ng panig Amerikano, na palalimin ang pag-uunawaan, pahigpitin ang pagtitiwalaan, mas mainam na ipatupad ang mga komong palagay na narating ng mga lider ng dalawang bansa, at itatag ang kooperatibong partnership na may paggagalangan, mutuwal na kapakinabangan at win-win result.
Ipinahayag naman ni Hillary na pinananabikan ni Pangulong Barack Obama ang pag-tatagpo nila ni Pangulong Hu. Pinahahalagahan aniya ng panig Amerikano ang kooperatibong partnership nila ng Tsina, at ipinalalagay nitong ito ay hindi lamang makakabuti sa kapuwa panig, kundi napakahalaga rin para sa buong daigdig.
Salin:Vera
© China Radio International.CRI. All Rights Reserved. 16A Shijingshan Road, Beijing, China. 100040 |