Mula katapusan ng buwang ito hanggang unang dako ng susunod na buwan, idaraos sa Durban, Timog Aprika, ang pulong ng United Nations o UN hinggil sa pagbabago ng klima. Pormal na isinapubliko kahapon ang white paper ng patakaran at aksyon ng Tsina sa pagharap sa pagbabago ng klima sa taong 2011. Kaugnay nito, komprehensibong isinalaysay ni Xie Zhenhua, Pangalawang Ministro ng Pambansang Komisyon ng Pag-unlad at Reporma ng Tsina, ang natamong bunga at mga isasagawang hakbangin ng Tsian sa pagharap sa isyu ng pagbabago ng klima, at inilahad ang pundamental na paninindigan ng panig Tsino sa pakikisangkot sa talastasang pandaigdig sa isyung ito. Anya, buong tatag na tatahak ang Tsina sa landas ng sustenableng pag-unlad, at gagawa ng mas malaking ambag para sa pagharap sa pagbabago ng klima ng mundo.
Isinalaysay ni Ginoong Xie na,
"Sa kondisyong walang alinmang pondo at teknolohiya, isinagawa na ng Tsina ang aksyon ng pagbabawas ng emisyon. Sa panahon ng ika-11 panlimahang taong plano (taong 2006-2010), bumaba nang humigit-kumulang 20% ang energy consumption per GDP unit ng Tsina, at nagbawas na kami ng 1.5 bilyong toneladang pagbuga ng carbon dioxide. Sa panahon ng ika-12 panlimahang taong plano naman, iniharap naming magbawas ng humigit-kumulang 1.5 hanggang 1.6 bilyong toneladang pagbuga ng carbon dioxide. Ibig sabihin, kasabay ng paglago ng kabuhayan, aktibong isinasagawa ng Tsina ang kinauukulang hakbangin sa pagharap sa pagbabago ng klima."
Kaugnay ng gaganaping pulong ng UN sa pagbabago ng klima sa Durban, dagdag pa ni Xie Zhenhua na,
"Naggigiit kami sa paninindigan ng mga umuunlad na bansa. Ang isyu sa ika-2 yugto ng pangako ng Kyoto Protocol ay nagiging napakasusing isyu ng multilateral na mekanismong pandaigdig sa pagharap sa pagbabago ng klima, dapat iadhere ang isyung ito. Ang Kyoto Protocol ay isang mahalagang multilateral na kasunduang may legal bond na nagpapakita ng komong responsibilidad na may pagkakaiba, ito rin ang kabatayan ng pagtitiwalaang pulitikal, kaya dapat ito igiit."
