Idinaos kaninang umaga sa Beijing ang seremonya bilang pagdiriwang sa ika-70 anibersaryo ng pagkakatatag ng Radyo Internasyonal ng Tsina o CRI. Lumahok sa seremonya ang mahigit 700 tauhang kinabibilangan ng mga kinatawan ng mga tagasubaybay ng CRI galing sa iba't ibang bansa, mga opisyal at kinatawan ng mga manggagawa ng CRI at mga opisyal ng pamahalaang Tsino na namamahala sa international broadcasting.
Sa kanyang talumpati sa seremonya, sinabi ni Presidente Wang Gengnian ng CRI na,
"Bilang pangunahing bahagi ng usapin ng international broadcasting ng Tsina, nitong 70 taong nakalipas, sinusundan ng CRI ang hakbang ng panahon, isinasabalikat ang mga responsibilidad na panlipunan at isinasagawa ang mga reporma at inobasyon. Sa kasalukuyan, ang CRI ay unti-unting nagiging isang moderno, komprehensibo at sulong na international media na binubuo ng radio broadcast, online broadcast at multimedia communication, at may pinakamaraming nagagamit na wika, iba't ibang porma ng pagbobrodkast at malawak na tagasubaybay."
Sa iba't ibang okasyon sa taong ito, nagpahayag ng pagbati sa ika-70 anibersaryo ng CRI sina Pangulong Benigno Aquino III at House Speaker Feliciano Belmonte Jr. ng Pilipinas. Nagpahayag din ng pagbati ang mga lider ng mga iba pang bansa na gaya ng pangulo ng Laos, punong ministro ng Malaysia, pangulo ng Pakistan, pangulo ng Italya, pangulo ng Mozambique, pangulo ng Bolivia at iba pa.
Salin: Liu Kai
