NAPATUNAYAN na ang kahalagahan ng bayanihan sa mga dumaang trahedya sa bansa. Likas umano sa mga Filipino ang bayanihan na nakita sa mga volunteer na tumulong sa mga biktima ng bagyong "Sendong" at paglindol sa Gitnang Kabisayaan noong nakalipas na Lunes.
Sa kanyang talumpati sa ika-pitong Biennial Convention ng Chinese-Filipino Business Club sa Manila Hotel kaninang alas onse ng umaga, sinabi ni Pangulong Benigno Simeon C. Aquino III na kahit pa nawalan ng loob dahilan sa mga katiwalian ng nakalipas na administasyon, nagpatuloy pa rin ang kanilang pagtulong sa mga nangangailangan.
Malaki na umano ang nagawang Chinese-Filipino Business Club para sa pamahalaan at bayan. Mahalaga rin umano ang papel ng samahan sa larangan ng ekonomiya dahilan sa pagkakaroon ng mgabagong hanapbuhay, pagtataguyod ng trade missions at tax consciousness campaigns.
Nagpasalamat din si Pangulong Aquino sa samahan dahilan sa kanilang mga kontribusyon tulad ng mga motorsiklong ipinagkaloob sa pambansang pulisya. Ipinaliwanag ni Pangulong Aquino na mahalaga ang tulong ng mga kasapi sa paglalagak ng capital sa pagsasakamturismo at infrastructure. Tiyak na umano ang budget para sa mga sektor na ito kaya't makakaasa ang mga mangangalakal ng ibayong suporta sa mga proyektong may koneksyon sa priority programs.
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
