Dumating kahapon ng hapon sa Shannon, Ireland, si Xi Jinping, Pangalawang Pangulo ng Tsina, para isagawa ang kanyang opisyal na pagdalaw doon.
Sa kanyang talumpati sa paliparan, sinabi ni Xi na ang kanyang pagdalaw ay naglalayong palalimin ang tradisyonal na pagkakaibigan ng mga mamamayan ng Tsina at Ireland, at pasulungin ang bilateral na relasyon ng dalawang bansa at aktuwal na kooperasyon.
Sinabi pa ni Xi, na sapul nang itatag ang relasyong diplomatiko ng dalawang bansa, maayos itong umuunlad at ito ay tumatalima sa pundasyon ng paggagalangan at pagkakapantay-pantay. Ito aniya ang magandang halimbawa ng mapagkaibigang pakikipamuhayan sa pagitan ng mga bansa na nagkakaiba sa kultura, sistemang pulitikal, at rehiyon.
Ang Ireland ay ang ika-2 istasyon sa biyahe ni Xi, pagkatapos ng kanyang pagdalaw sa Estados Unidos.
Salin: Ernest
