Nagpalabas kahapon ng ulat ang Ministri ng Komersyo ng Tsina na nagsasabing hindi optimistiko ang kalagayan ng kalakalang panlabas ng bansa sa taong ito.
Ayon sa ulat, ang patuloy na mahinang pangangailangang panlabas ay isa sa mga kahirapang kinakaharap ng kalakalang panlabas ng Tsina. Sa loob ng bansa naman, ang humihinang pangangailangan sa pamumuhunan at konsumo, at bumabagal na paglaki ng processing trade ay makakaapekto rin sa paglawak ng pag-aangkat.
Anito pa, humihigpit din ang kapaligirang pangkalakalan ng Tsina. Ang Tsina ay nananatiling bansa sa daigdig na nakaranas ng pinakamaraming alitang pangkalakalan nitong 17 taong nakalipas.
