Nitong nakalipas na isang buwan sapul nang maganap ang alitan ng Tsina at Pilipinas sa Huangyan Island, ginamit ng panig Tsino ang iba't ibang paraan upang mapayapaang malutas ang alitan.
Una, isinagawa ng panig Tsino ang maraming beses na representasyon at pakikipagsanggunian sa Pilipinas sa pamamagitan ng diplomatikong tsanel, bagay na nagpapakita ng determinasyon at lakas-loob ng Tsina sa buong tatag na pangangalaga sa kapayapaang panrehiyon. Kahit mas malaki kaysa Pilipinas ang Tsina, sa proseso ng alitan sa Huangyan Island, sa mula't mula pa'y nagtitimpi ang Tsina, at nagpapahayag ng ideolohiya ng mapayapang diplomasiya nito sa pamamagitan ng diplomatikong tsanel.
Ika-2, isinasagawa ng Tsina ang soberanya nito sa pamamagitan ng pagpapadala ng law enforcement vessels. Sunud-sunod na ipinadala ng panig Tsino ang maritime surveillance ship at fishery administration ship sa Huangyan Island para maisagawa ang tungkulin at mapangalagaan ang soberanya.
Ika-3, isinagawa ng Tsina ang pagpapaliwanag sa batas para mapatunayang pinakamaagang natuklasan, pinangalanan, ginalugad at pinangasiwaan ng Tsina ang naturang isla, at ipinaliwanag sa komunidad ng daigdig ang lehitimong soberanya ng Tsina sa Huangyan Island. Kasabay nito, pinayuhan ng Chinese media ang mga mamamayan na rasiyonal na tingnan ang alitan sa Huangyan Island, bagay na lumikha ng kondisyon para sa diplomatikong pagresolba ng alitan.
Mula alas-12 bukas, papasok sa dalawa't kalahating buwang panahon ng fishing ban ang karamihan sa mga rehiyong pandagat ng South China Sea. Ang Huangyan Island ay nasa saklaw ng pagbabawal sa pangingisda. Noong 1999, sinimulang isagawa ng Tsina ang ganitong sistema na naglalayong pangalagaan ang biolohikal na yamang pandagat ng kinauukulang rehiyong pandagat, at nagpapakita ito ng responsableng atityud ng Tsina bilang isang dakilang bansa.
Sa kasalukuyan, nagiging pahigpit nang pahigpit ang pagpapalagayang pangkabuhayan, pangkalakalan, pangkultura at panlipunan ng Tsina at Pilipinas, at nananatiling pangunahing tunguhin ang kooperasyon at win-win situation sa pagitan ng Tsina at Pilipinas, maging ng iba't ibang bansa sa loob ng rehiyong ito. Humiling ang panig Tsino sa panig Pilipino na totohanang igalang ang teritoryo at soberanya ng Tsina, at hindi gagawa ng alinmang aksyon na magpapalawak at magpapasalimuot ng kalagayan.
