|
||||||||
|
||
Kahapon ay ika-45 anibersaryo ng pagkakatatag ng ASEAN. Idinaos sa Phnom Penh kahapon ng Kambodya, kasalukuyang tagapangulong bansa ng ASEAN, ang seremonya ng pagtataas ng watawat ng ASEAN at pulong bilang pagdiriwang sa okasyong ito.
Dumalo sa pulong si Punong Ministro Hun Sen ng Kambodya, mga embahador sa Kambodya ng mga bansang ASEAN, mga embahador sa Kambodya ng mga kadiyalogong bansa ng ASEAN gaya ng Tsina, at mga mataas na opisyal ng Kambodya.
Ipinahayag ni Hun Sen, na pagkaraan ng 45 taong pag-unlad, natamo ng ASEAN ang maraming mahalagang bunga, at tumataas nang tumataas ang katayuan sa daigdig. Naging di-mababalewalang estratehikong partnership ito ng mga malaking bansa at mahalagang organisasyong pandaigdig. Noong nagdaang taon at kasalukuyang taon, malakiang lumaki ang kabuuang kabuhayan, lalong lalo na, ang halaga ng malayang kalakalan ng ASEAN, at ang ASEAN ay naging isang pinakamabilis na umuunlad na rehiyon.
Ayon pa kay Hun Sen, kinakaharap din ng ASEAN ang mga hamon. Aniya, ang taong ito ay mahalagang taon para sa pagpapatupad ng ASEAN Community. Dapat isa-isang-tabi ang pagkakaiba ng mga kasaping bansa ng ASEAN at palakasin ang kooperasyon, para mapasulong ang integrasyon. Nananalig aniya siyang may kakayahan ang ASEAN na magkaisa para maitatag ang isang mapayapa, masagana at maunlad ng rehiyon.
Sinabi naman ni Surin Pitsuwan, Pangkalahatang Kalihim ng ASEAN, na gumaganap ang ASEAN ng mas mahalagang papel sa mga suliraning pandaigdig, at itinatag na nito ang mahigpit na ugnayan sa buong komunidad ng daigdig. Aniya, para mapanatili ang namumunong papel, dapat magkaisa ang ASEAN para mapatupad ang target na itatag ang ASEAN Community sa taong 2015.
© China Radio International.CRI. All Rights Reserved. 16A Shijingshan Road, Beijing, China. 100040 |