Hinggil sa CRIHinggil sa Serbisyo Filipino
   

Ika 9 na CAEXPO Pormal na Binuksan

(GMT+08:00) 2012-09-21 14:27:45       CRI

Pormal na binuksan sa Nanning, Guangxi ng Tsina ang Ika-9 na China ASEAN Expo. Pinangunahan ni Pangalawang Pangulo Xi Jinping ang seremonya ng pagbubukas. Sa panig ng Pilipinas, dumalo si Kalihim Mar Roxas.

Ngayong taon, may 4,600 mga pwesto ang mag-aalok ng iba't-ibang kalakal at serbisyo mula sa China at mga bansang ASEAN.

Ang pabilyon ng Pilipinas ay may 19 na booths, sampu dito ay mga eksibitor ng mga produktong agrikultural. May siyam namang booth mula sa iba't-ibang industriya. Kabilang sa mga itatanghal na produkto ay ang Kalinga Brew, kilalang kape mula sa lalawigan ng Kalinga, Chicharika isang uri ng kropek na ipinagmamalaki ng mga lalawigan sa Region 2 at mga piling produktong pagkain na naglalayong makilala sa Tsina at mga kapitbansa sa Timog Silangang Asya.

Meron ding mga handicrafts, sapatos at mga alahas na gamit ay katutubong mga materyales at angat dahil sa malikhaing disenyo.

Sa pabilyon ng Cities of Charm, ibinibida ngayong taon ang San Fernando at Clark. Ang mga lungsod na ito'y ipinakikilala bilang mga pangunahing lugar para sa pamumuhunan, komersiyo at kalakalan.

Ang Freeport Area naman ng Bataan ay tampok sa Investment Pavillion ng ASEAN. Hangad ng lalawigan ng Bataan na himukin ang mga mamumuhunan para magbukas ng negosyo sa lugar na ito.

Reporter: Mac at Vera

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>