Hinggil sa CRIHinggil sa Serbisyo Filipino
   

Xi Jinping, nakipagtagpo sa mga lider ng mga bansang ASEAN

(GMT+08:00) 2012-09-22 15:35:08       CRI

Sa Nanning, Guangxi ng Tsina — Magkakahiwalay na kinatagpo kahapon ni Pangalawang Pangulong Xi Jinping ng Tsina sina Pangulong Thein Sein ng Myanmar, Pangalawang Punong Ministro Tan Sri Dato' Haji Muhyiddin ng Malaysia, at Mar Roxas, Kalihim ng Suliraning Panloob at Espesyal na Sugo ng Pangulong Pilipino.

Sa pakikipagtagpo kay Thein Sein, sinabi ni Xi na sa kasalukuyan, mainam sa kabuuan ang pag-unlad ng relasyon ng Tsina at Myanmar. Patuloy aniyang hihikayatin ng panig Tsino ang pamumuhunan ng mga bahay-kalakal na Tsino sa Myanmar sa iba't ibang larangan.

Sa kanya namang pakikipagtagpo kay Muhyiddin, sinabi ni Xi na lubos na pinahahalagahan ng panig Tsino ang mahalagang papel ng Malaysia, at nakahanda aniya ang panig Tsino na magsikap kasama ng Malaysia at iba pang bansang ASEAN, para ibayo pang mapasulong ang estratehikong partnership ng Tsina at ASEAN.

Kay Roxas naman, sinabi ni Xi na nitong 37 taong nakalipas sapul nang maitatag ang relasyong diplomatiko ng Tsina at Pilipinas, nananatiling pag-unlad ang tunguhin ng relasyon ng dalawang bansa, at natamo ng kooperasyon ng dalawang bansa sa iba't ibang larangan ang positibong bunga. Ang mga ito aniya ay nakakapagbigay ng aktuwal na benepisyo sa mga mamamayan ng dalawang bansa. Nitong ilang panahong nakalipas, naharap ang relasyong Sino-Pilipino sa ilang kahirapan. Pagkaraan ng mabisang pagsasanggunian ng dalawang panig, napahupa na ngayon ang kalagayang ito

Lubos na pinapurihan naman ni Roxas ang ginagawang papel ng China-ASEAN Expo (CAExpo) sa pagpapasulong ng relasyon ng Tsina at ASEAN. Sinabi niya na matapat na umaasa ang panig Pilipino na mapapaunlad ang mapagkaibigan, mahigpit, at karaniwang relasyon sa panig Tsino.

Salin: Li Feng

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>