Magkakahiwalay na nagpadala kamakailan ng mensahe ang mga partido sa mga bansa sa Timog Silangang Asya para bumati sa pagdaraos ng sesyong plenaryo ng Pambansang Kongreso ng Partido Komunista ng Tsina o CPC.
Sa kanyang mensahe, sinabi ni Joseph Ejercito Estrada, Puno ng Puwersa ng Masang Pilipino, na ang Ika-18 Pambansang Kongreso ng CPC ay magbabalangkas ng mga bagong patakaran para pasulungin ang pag-unlad ng Tsina. Sana aniya manatiling maunlad ang Tsina sa ilalim ng pamumuno ng bagong liderato sa hinaharap.
Sa kanyang mensahe naman, sinabi ni Xanana Gusmao, Tapagangulo ng National Congress of Timor Leste Reconstruction, at Punong Ministro ng bansang ito, na naniniwala siyang ang sesyong plenaryo ng CPC ay magpapasulong ng kasaganaan at kaunlaran ng Tsina sa hinaharap. Umaasa aniya siyang ibayo pang pasusulungin ang pagpapalagayan ng dalawang panig.
Sa kanyang mensahe naman, sinabi ni Mari Bin Amude Alkatiri, Pangkalahatang Kalihim ng Revolutionary Front of Independent East Timor, na mahalaga ang kabuluhan ng sesyong plenaryo ng Ika- 18 Pambansang Kongreso ng CPC sa Tsina at komunidad ng daigdig.
