Dumating kagabi sa Herusalem si Hillary Clinton, Kalihim ng Estado ng Estados Unidos(E.U.), para pasimulan ang kanyang mediyasyon, upang itigil ang kasalukuyang sagupaan ng Palestina at Israel sa Gaza.
Sa isang magkasanib na preskon bago ng pakikipag-usap sa lider Israeli, ipinahayag ni Clinton ang pagtutol sa rocket attack laban sa Israel. Samantala, umaasa rin aniya siya na mararating ng Palestina at Israel ang pangmatagalang tigil-putukan, para pangalagaan ang kapayapaan at katatagan sa Gitnang Silangan.
Ipinahayag naman ni Punong Ministrong Benjamin Netanyahu ng Israel, na handa ang kanyang bansa na lutasin ang sagupaan sa pamamagitan ng paraang diplomatiko. Pero, hindi nito maaalis ang posibilidad na isagawa ang mas maharas na paraang militar sa Gaza.