Idinaos kahapon sa Rabat, Morocco ang malawakang protesta na nilahukan ng mga 150 libong mamamayan mula sa iba't ibang lugar ng Morocco bilang pagpapahayag ng pagkatig sa mga mamamayang Palestino at mahigpit na pagkondena sa pananalakay ng Israel sa Gaza Strip.
Sa kalagitnaan ng buwang ito, inilunsad ng tropang Israeli ang air raid sa Gaza Strip at sa loob ng walong araw, ikinamatay na ito ng di-kukulangin sa 160 Palestino at ikinasugat ng iba pang 1300. Inilunsad naman ng mga sandatahang tauhan ng Gaza Strip ang mahigit 1400 raket na ikinamatay ng 5 Israeli. Noong ika-21 ng gabi, ipinatupad ng dalawang panig ang tigil-putukan.