Ngayong araw ay ika-25 World AIDS Day. Ipinahayag kahapon ng World Health Organization (WHO), na nitong halos 10 taong nakalipas, natamo ng buong daigdig ang napakalaking progreso sa paglaban sa sakit na ito.
Ayon sa pinakahuling ulat ng naturang organisasyon, noong 2011, 2.5 milyon ang bilang ng mga bagong natuklasang HIV positives sa buong daigdig, na mas maliit nang 700 libo kumpara noong taong 2001. Samantala, namatay noong isang taon ang 1.7 milyong tao dahil sa AIDS, at ang bilang na ito ay mas maliit nang 600 libo kumpara noong 2005.
Tinukoy din ng WHO, na bagama't wala pang lunas sa AIDS, idinedebelop na ang isang gamot, na makakakontrol sa virus nito. Dahil dito, malaki ang posibilidad na mananatiling normal na kalagayang pangkatawan ng mga HIV positives. Anang organisasyong ito, sa kasalukuyan, dapat ibayo pang palaganapin ang naturang gamot sa iba't ibang bansa, lalung-lalo na sa mga mahirap na bansa.