Nagpalabas kahapon ng kautusan si Mahmoud Abbas, Pangulo ng Palestinian National Authority, na nagsasabing gagamitin ng kanyang bansa ang pormal na tawag na "State of Palestine."
Ang kasalukuyang ginagamit na tawag sa Palestina ay Palestinian National Authority. Batay sa naturang kautusan, sa loob ng darating na dalawang buwan, ang pangalang "State of Palestine" ang gagamitin sa lahat ng mga batas, diplomatikong dokumento, selyo, passport, ID card, birth certificate, drive licence, at iba pa.
Ayon sa Wafa News Agency ng Palestina, ang aksyong ito ay bilang tugon sa kapasiyahan ng UN na tanggapin ang Palestina bilang bansang tagamasid. Anito pa, ito rin ay isang mahalagang hakbang tungo sa pagtatatag ng Estado ng Palestina na may kabiserang Jerusalem.
Salin: Liu Kai