|
||||||||
|
||
Ayon sa impormasyon na ipinalabas ng panig militar ng Mali kahapon, mahigit 100 armadong tauhan ang namatay sa air strike na inilunsad ng Pransya sa Konna, hilagang Mali. Kasabay nito, dumating din kahapon ng hapon sa Bamako, kabisera ng Mali, ang mga tropa ng Pransya at Nigeria.
Nitong nakalipas na ilang araw, maigting ang palitan ng putok sa pagitan ng tropang pampamahalaan at mga armadong tauhan sa Konna. Dahil dito, pangkagipitang nagpadala ng liham si Dioncounda Traore, Pangulong Transisyonal ng Mali, sa Pangkalahatang Kalihim ng UN at Pangulo ng Pransya, para humingi ng tulong.
Bilang tugon, nagpadala ng tropa kamakalawa ng hapon ang Pangulo ng Pransya sa Mali para magkaloob ng pagkatig sa tropang pampamahalaan ng bansa. Bukod dito, ipinatalastas din ng Senegal at Burkina Faso ang pagpapadala ng mga sundalo sa Mali.
Ipinahayag naman ng Economic Community of West African States na handang handa ito para magsagawa ng pakikialam na militar sa krisis sa kahilagaan ng Mali.
Salin: Vera
© China Radio International.CRI. All Rights Reserved. 16A Shijingshan Road, Beijing, China. 100040 |