|
||||||||
|
||
Kahapon, sa Mali, nagpatuloy ang sagupaan sa pagitan ng tropang pampamahalaan at AQIM, Sangay ng AL-Qaida sa Hilagang Aprika. Nagsagupaan ang dalawang panig sa Diabaly, isang lugar sa paligid ng Bamako, kabisera ng Mali. Sa banding huli, muling nakuha ng mga rebelde laban sa pamahalaan ang kontrol sa lugar na ito. Ipinahayag nang araw rin iyon ng Ministring Panlabas ng Mali na sa kasalukuyan, mahirap itaya kung kailan matatapos ang digmaang ito.
Fighter jets ng Pransya
Sa kasalukuyan, ipinagkaloob ng Pransiya ang tulong sa pamahalaan ng Mali sa pamamagitan ng hukbong panghimpapawid at panlupa. Hinggil dito, ipinatalastas ng ilang grupong Islamikong ekstrimista ng Mali na gaganti sila sa mainland ng Pransiya.
Sa harap ng kalagayan sa Mali, sunud-sunod na ipinahayag ng ilang bansang Aprika, Kanada, at Alemanya na magpakakaloob ng tulong na militar sa pamahalaan ng Mali.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |