Hinggil sa CRIHinggil sa Serbisyo Filipino
   

Rescue Work para sa lindol ng Lushan, ipinagpapatuloy

(GMT+08:00) 2013-04-24 17:00:06       CRI
Ayon sa pinakahuling balita na ipinalabas ng lokal na pamahalaan ng lalawigang Sichuan, hanggang kahapong alas-dose ng tanghali, mahigit 1.99 milyong mamamayan sa kabuuan ang nasalanta ng lindol sa Lushan. Sa kasalukuyan, ipinagpapatuloy ang rescue work.

Hanggang kahapon, natapos na ang 72-hour "golden rescue time" para sa nilindol na county, pero patuloy pa rin ang rescue work, at hindi inaalis ang anumang pag-asa na mailigtas ang mga nabiktimang mamamayan. Ang mga opisyal at sundalo ng Chendu Military Region ay pumasok sa bawat pamiliya ng iba't ibang nilindol na purok para alamin ang pangangailangan ng mga biktima at tulungan silang mapanaigan ang kahirapan.

Sa kasalukuyan, ang kakulangan sa materyal ay siyang pangunahing problema na kinakaharap ng mga nilindol na lugar. Para malutas ang isyung ito, kahapon, agarang inihatid ng Ministri ng mga Suliraning Sibil ang 30 libong tolda sa mga nasalantang lugar para mailagay sa ayos ang pamumuhay ng mga nabiktimang mamamayan. Bukod dito, kamakalawa, naghulog ang hukbong panghimpapawid ng Tsina ng mga materyal na panaklolo sa mga nilindol na purok.

Sa ilang lugar, grabeng nasalanta ng lindol ang mga pasilidad ng koryente at telekomunikasyon. Naputol ang linya ng telekomunikasyon, kaya ang pagpapanumbalik ng serbisyo ng telekomunikasyon ay pangunahing sinusubaybayan ngayon ng iba't ibang panig. Kahapon, isinalaysay ni Xiao Chunquan, Tagapagsalita ng Ministry of Industry and Information Technology ng Tsina (MIIT) na sa harap ng isyung ito, una, agarang inihatid ng MIIT ang mga kinauukulang pasilidad sa mga nilindol na purok, at sa kasalukuyan, ang unang bulto ng mga material na panaklolo ay dumating na sa mga nilindol na purok. Ikalawa, pinabuti ang Gawain ng paggarantiya sa serbisyo ng telekomunikasyon sa mga nilindol na purok, at sa kasalukuyan, halos napanumbalik na ang 100% ng serbisyong ito sa mga nilindol na purok.

Bukod dito, ayon sa pinakahuling estadistika mula sa Pambansang Kawanihan ng Tsina sa Kalusugan at Pagpaplano sa Pamiliya, hanggang sa kasalukuyan, walang malaking epidemiya ng nakahahawang sakit at walang ibang mabigat at di-inaasahang pangyayaring pampubliko sa mga nilindol na purok.

Ayon pa sa ulat g Red Cross Society ng Tsina, hanggang sa kasalukuyan, ang mga pondo at materyal na iniabuloy ng iba't ibang sirkulo ng lipunan ay umabot na sa mahigit 120 milyong yuan RMB.

Ayon sa pag-analisa ng mga may kinalamang dalubhasa, sa susunod na hakbang, ang tampok na kinakailangang susubaybayan ay polusyon sa pamumuhay ng mga nabiktimang mamamayan, counseling at iba pa.

Salin:Sarah

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>