|
||||||||
|
||
Ayon sa ulat ng Office of the United States Trade Representative (USTR), kinumpirma ng Amerika ang pagsisikap at natamong pag-unlad ng Tsina sa karapatan ng pagmamay-ari ng likhang-isip (IPR), samantalang nitong nakalipas na 9 taong singkad, inilagay naman nito ang Tsina sa "Priority Watch List for IPR Violation." Kaugnay nito, ipinahayag ng may kinalamang tauhan ng Ministri ng Komersyo ng Tsina, ang kalungkutan.
Anang naturang tauhan, pinahahalagahan ng pamahalaang Tsino ang pangangalaga sa IPR. Aniya, nitong nakalipas na ilang taon, isinagawa ng pamahalaan ang serye ng hakbangin hinggil sa pagsasagawa ng batas ng IPR para ibayo pang mapabuti ang pangmatagalang sistema hinggil sa pangangalaga sa IPR. Pinahahalagahan din aniya ng pamahalaang Tsino ang pangangalaga sa sikretong komersyal at isinusulong ang pananaliksik at paggagalugad sa teknolohiya ng mga bahay-kalakal para mapataas ang kanilang kakayahang kompetetibo.
Ayon pa sa naturang tauhan, ang pangangalaga sa IPR ay isang isyung pandaigdig at kinakailangan nito ang magkakasamang pagsisikap ng komunidad ng daigdig. Aniya, nakahanda ang Tsina, kasama ng E.U. at iba pang bansa at rehiyon, na palakasin ang pagtutulungan para mapasulong ang lebel ng pangangalaga sa IPR sa buong daigdig.
Salin: Andrea
© China Radio International.CRI. All Rights Reserved. 16A Shijingshan Road, Beijing, China. 100040 |