|
||||||||
|
||
Ayon sa ulat kahapon ng Korean Central News Agency (KCNA), lumisan nang araw ring iyon ng Pyongyang si Choe Ryong Hae, espesyal na sugo ni Kim Jong-un, Pangkalahatang Kalihim ng Korean Workers Party, para pasimulan ang kanyang pagdalaw sa Tsina.
Kaugnay ng naturang biyahe, malawakang tinataya ng opinyong publiko ng Timog Korea kung talagang mabibigyang-pagbabago ng naturang pagdalaw ang kasalukuyang maigting na situwasyon ng Korean Peninsula.
Ipinahayag naman kahapon ng isang artikulo ng pahayagang "Mainichi Shimbun" ng Hapon, na sapul nang manungkulan si Kim Jong-un bilang pinakamataas na lider ng Hilagang Korea noong Disyembre ng 2011, ito ang kauna-unahang pagpapadala ng panig Hilagang Koreano ng espesyal na sugo sa Tsina. Posible anitong ninanais ng Hilagang Korea na mapahupa ang pagiging masalimuot na relasyon nila ng Tsina, bunsod ng paglulunsad ng satellite at pagsasagawa ng nuclear test.
Salin: Li Feng
© China Radio International.CRI. All Rights Reserved. 16A Shijingshan Road, Beijing, China. 100040 |