Hinggil sa CRIHinggil sa Serbisyo Filipino
   

Tsina, gumawa ng reaksyon sa paanyaya ng E.U. hinggil sa paglahok sa TPP

(GMT+08:00) 2013-05-31 17:42:10       CRI
Sa kanyang pagdalaw kamakailan sa Hapon, ipinahayag ni Francisco J.Sanchez, Under Secretary for International Trade ng U.S. Department of Commerce, na sa itinakdang paunang kondisyon, winewelkam ng kanyang bansa ang paglahok ng Tsina sa Trans-Pacific Partnership Agreement (TPP). Hinggil dito, ipinahayag kahapon ni Shen Danyang, Tagapagsalita ng Ministri ng Komersyo ng Tsina na mataimtim na pag-aaralan ng kanyang bansa ang posibilidad ng paglahok sa TPP.

Hinggil sa naturang paanyaya ng E.U., ipinahayag ni Jiang Yuechun, opisyal ng China Institute of International Studies na tapat ang mithiin ng E.U. na anyayahan ang Tsina na lumahok sa TPP, dahil hindi maaaring mabisang maisasagawa ng E.U. ang rehiyonal na kooperasyon sa rehiyong Aisya-Pasipiko kung walang paglahok ng Tsina sa prosesong ito. Sinabi niyang ang pag-ahon ng Tsina ay may malawak na epekto sa buong rehiyong Asiya-Pasipiko. Kung walang paglahok ng Tsina, hindi malulubos ang kasiglahan ng operasyon ng TPP.

Tatanggapin ba ng Tsina o hindi ang naturang paanyaya ng E.U.? Kung lalahok sa TPP, ano ang kahirapan na kakaharapin ng Tsina sa hinaharap? Hinggil dito, ipinahayag ni Jiang na nitong nagdaang ilang taon, hindi isinasali ng E.U. ang Tsina sa TPP. Sa kasalukuyan, nagbago ang pakikitungo ng E.U., kaya dapat gumawa ang Tsina ng positibong reaksyon dito at lalahok ito sa TPP. Ipinalalagay ni Jiang na ang Tsina ay isang bansa na may pinakamalaking saklaw na pangkabuhayan sa rehiyong Asiya-Pasipiko at mabuti para rito na lumahok sa TPP. Pero, sinabi rin niyang, sa kasalukuyang yugto, ang Tsina ay nasa proseso ng pagbabago ng kabuhayan at kinakaharap nito ang iba't ibang kahirapan. Hindi aniya angkop sa pamantayan ng TPP ang kalagayan sa estruktura ng industriya, kabuhayan, kalakalan sa labas at iba pang larangan ng Tsina, kaya dapat lumahok ang Tsina sa TPP kasabay ng walang humpay na pag-sasaayos sa kalagayan ng iba't ibang larangan.

Ipinahayag rin ni Jiang na ang paglahok ng Tsina sa TPP ay makakabuti sa pag-unlad ng kabuhayang Tsino. Ang kasalukuyang daigdig ay nasa panahon ng globalisasyon, at walang humpay na pinapaunlad ang tunguhin ng rehiyonal na kooperasyon sa rehiyong Asiya-Pasipiko. Kaya, ipinalalagay ni Jiang na ang pagtanggap sa paanyaya ng E.U. at paglahok sa TPP ay makakabuti sa sustenableng pag-unlad ng Tsina.

Salin:Sarah

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>