|
||||||||
|
||
Dumating kahapon sa Brunei Darussalam, ang Chinese Navy hospital ship na "Peace Ark", para pasimulan ang 6-araw na dalaw-pangkaibigan doon. Lalahok din ang naturang bapor sa magkasanib na pagsasanay sa humanitarian relief at medisinang militar ng ASEAN. Ito ang ika-5 beses na pagdalaw sa Brunei ng Chinese Navy vessels.
Nauna rito, dumalaw ang "Peace Ark" sa limang bansa sa Asya't Aprika at apat na bansa sa Latin-Amerika, para ipatupad ang makataong serbisyong medikal na may codename na "Mission Harmony 2013". Sa panahon ng 193 araw na biyahe, naglayag nang 42 libong nautical miles ang naturang bapor, at nagkaloob ng serbisyong medikal sa halos 50 libong tao. Nang kapanayamin ng mamamahayag, sinabi ni Major General Shen Hao, Komander ng "Mission Harmony 2013", na lipos siya ng kompiyansa sa kasalukuyang pagdalaw sa Brunei.
"Sa paanyaya ng Brunei, bumibisita ang 'Peace Ark' ng Hukbong Pandagat ng Tsina sa magandang Bandar Seri Begawan, at lalahok sa magkasanib na pagsasanay ng humanitarian relief at medisinang militar ng mekanismo ng pinalawak na pulong ng mga ministrong pandepensa ng ASEAN. Ang matagumpay na praktis ng pagkakaloob ng serbisyong medikal sa ibayong dagat noong nakaraan ay naglatag ng matibay na pundasyon, at nagkaloob ng masaganang karanasan para sa kasalukuyang biyahe sa Brunei, kaya lipos kami ng kompiyansa sa biyaheng ito."
Nang araw ring iyon, bumisita sa nasabing hospital ship ang ilang tauhan ng mga embahada at konsulado, organong pinatatakbo ng puhunang dayuhan, at mga Tsino sa Brunei. Lubos namang ikinagalak ng isang 72 taong gulang na overseas Chinese sa Brunei ang pagdalaw ng bapor at sinabing:
"Ikinalulugod kong makita ang pagbisita ng bapor ng aking inang bayan sa Brunei. Malaki at maganda ang naturang hospital ship, at may maraming modernong na pasilidad."
Pagkatapos ng pagdalaw sa Brunei, pupunta sa Gulf of Aden ang "Peace Ark", para magkaloob ng serbisyong medikal sa mga sundalo at mamamayan ng iba't ibang bansa.
© China Radio International.CRI. All Rights Reserved. 16A Shijingshan Road, Beijing, China. 100040 |