|
||||||||
|
||
Sa pahayag na ipinalabas kahapon ng Ministring Panlabas ng Singapore, binatikos nito ang hindi wasto at hindi tunay na umano'y ulat ng Estados Unidos (E.U.) hinggil sa kalagayan ng karapatang pantao ng Singapore sa taunang Country Reports on Human Rights Practices nito. Kaugnay naman ng pambabatikos sa Internal Security Act (ISA) ng Singapore, anito, nagsagawa ang E.U. ng double standard.
Isinumite noong Abril ni John Forbes Kerry, Kalihim ng Estado ng Estados Unidos, sa Kongreso ng bansa ang 2012 Country Reports on Human Rights Practices. Binatikos ng nasabing ulat ang "pagpapahintulot sa detention bago ang paglilitis" ng ISA ng Singapore. Bilang tugon, sinabi ng Ministring Panlabas ng Singapore na ang naturang batas ay pangunahing ginagamit sa pagharap sa mga banta sa kaligtasang panloob na gaya ng banta sa pampublikong kaayusan, banta sa harmonya ng lipunan at relihiyon, at teroristikong aktibidad.
Ayon naman sa nasabing pahayag, lubos na pinahahalagahan ng Singapore ang karapatang pantao. Anito, may ulat man ng E.U. o wala, patuloy pa ring magsisikap ang Singapore para mapabuti ang pamumuhay ng mga Singaporean at maigarantiya ang kanilang karapatan.
Salin: Andrea
© China Radio International.CRI. All Rights Reserved. 16A Shijingshan Road, Beijing, China. 100040 |